Burns Week
25th January is Burns Night!
Join us to celebrate Scotlands Bard with some delicious, traditional fayre. Book Now!
Willie Wastle
Willie Wastle dwalt on Tweed,
The spot they ca'd it Linkumdoddie.
Willie was a wabster guid
Could stown a clue wi onie body.
He had a wife was dour and din,
O, Tinkler Maidgie was her mither!
Sic a wife as Willie had,
I wad na gie a button for her.
She has an e'e (she has but ane),
The cat has twa the very colour,
Five rusty teeth, forbye a stump,
A clapper-tongue wad deave a miller;
A whiskin beard about her mou,
Her nose and chin they threaten ither:
Sic a wife as Willie had,
I wad na gie a button for her
She's bow-hough'd, she's hem-shin'd,
Ae limpin leg a hand-breed shorter;
She's twisted right, she's twisted left,
To balance fair in ilka quarter;
She has a hump upon her breast,
The twin o that upon her shouther:
Sic a wife as Willie had,
I wad na gie a button for her.
Auld baudrans by the ingle sits,
An wi her loof her face a-washin;
But Willie's wife is nae sae trig,
She dights her frunzie wi a hushion;
Her walie nieves like midden-creels,
Her face wad fyle the Logan Water:
Sic a wife as Willie had,
I wad na gie a button for her.
Robert Burns
Visit Us
For General Enquiries email or WhatsApp us
Willie Wastle's Bar and Restaurant
16 - 18 Newbridge street, ayr, South Ayrshire ka71jx, GB
Hours
Open today | 10:00 – 22:30 |
Last orders for food 20:00
